به گزارش ایراف، به نقل از آسیا پلس، وزارت امور خارجه تاجیکستان اعلام کرده است که در واکنش به «نقض حریم هوایی» این کشور و آسیبدیدن خانههای مسکونی در ناحیه درواز، یادداشت اعتراضی رسمی خود را به طالبان ارائه کرده است.
تاجیکستان در این یادداشت با ابراز اعتراض شدید، از طالبان خواسته است که موضوع را با جدیت پیگیری کند، امنیت مرزهای تاجیکستان را رعایت کند و برای جلوگیری از تکرار چنین حوادثی، تدابیر مؤثر اتخاذ شود.
نگرانی دوشنبه از درگیریهای مرزی
وزارت خارجه تاجیکستان تأکید کرده است که درگیریهای مسلحانه روزهای اخیر در مناطق مرزی ولایت بدخشان افغانستان، امنیت مناطق مرزی تاجیکستان را با تهدید جدی روبهرو کرده و به «نقض قوانین بینالمللی» انجامیده است.
این وزارتخانه توضیح نداده که حریم هوایی تاجیکستان چگونه نقض شده و جزئیاتی درباره خسارتهای واردشده به منازل مسکونی منتشر نکرده است.
روایت مقامهای تاجیکستان از حادثه مرگبار
هرچند وزارت خارجه تاجیکستان هنوز بیانیه مستقل صادر نکرده، دفتر ریاستجمهوری این کشور پیشتر اعلام کرده بود که یک زن جوان در ناحیه درواز بر اثر تیراندازی افراد مسلح از خاک افغانستان جان باخته است.
بر اساس گزارش آسیا پلس، این زن باردار بوده و یک کودک خردسال از او به جا مانده است.
گفته میشود که او شام گذشته هدف گلوله قرار گرفته است.
امامعلی رحمان، رئیسجمهور تاجیکستان، با خانواده قربانی ابراز همدردی کرده و به مقامهای محلی دستور داده است که حمایتهای لازم را از این خانواده انجام دهند.
تنشها در بدخشان؛ از درگیری داخلی تا سقوط چرخبال
در روزهای گذشته نیروهای طالبان و جمعهخان فاتح در ولایت بدخشان درگیر شدهاند.
فاتح طالبان را متهم کرده که در این ولایت به سوی غیرنظامیان تیراندازی کرده و موجب تلفات شده است.
طالبان نیز روز گذشته تأیید کرد که یک چرخبال این گروه در بدخشان آسیب دیده است، اما دلیل آن را «برخورد با پایه برق» عنوان کرد.
با توجه به ادعای تاجیکستان درباره نقض حریم هوایی، هنوز روشن نیست که آیا این چرخبال وارد قلمرو تاجیکستان شده بود یا خیر.
